Note vir Nood musiekfees – 1 Oktober 2011
Helpende Hand Akasia hou ‘n musiekfees met groot kunstenaars soos Bobby van Jaarsveld, Innervision, Bluehouse, Leon Ferreira en vele meer. Die seremoniemeester is Janine van Niekerk. Baie stalletjies en vermaak vir slegs R120. Kaartjies beskikbaar by www.itickets.co.za. Kom geniet hierdie heerlike dag saam met ons! Vir stalletjies kontak Christelle Malan by 082 418 3025. Vir meer inligting of borgskappe kontak Corrie van der Merwe of Irene Pelser 084 609 4759. Lentefeeskonsert
‘n Lentefeeskonsert word deur Solidariteit Helpende Hand, Port Elizabeth-tak aangebied! Kunstenaars: Four Classics, Arbitrio Mannekoor en gaskunstenaars Datum: 14 Oktober 2011 Kaartjies teen R50-00 per persoon beskikbaar by: jakruger@absamail.co.za of marlene@helpendehand.co.za Vir meer inligting, kontak Kobus by 083 233 9099 of Marlene by 083 501 3166. |
Beeld: 2011-09-18: Rapport: 2011-09-17: Burger: 2011-09-19: Kyknet Nuus: 2011-09-16: |
Is ouers toegerus vir hul taak as ouer? Hoe word die brug tussen ouer en kind herbou? In hierdie week se Program van Hoop gesels Marita Enslin, Helpende Hand se voltydse maatskaplike werker, met twee maatskaplike werkers, Erna Rheeder (SAVF – FAMNET) en Marlize Magro (maatskaplike werker in privaatpraktyk). Die vrae wat hulle gaan bespreek is: Die gesprek word afgesluit met raad, leiding en hoop vir die ouer of kind wat gedink het dat daar nie ‘n kans op herstel is nie. Onthou, as jy geloof, hoop en liefde kombineer, kan jy positiewe kinders in ‘n negatiewe wêreld grootmaak! Inleiding tot reeks oor dwelmmisbruik onder tieners Somtyds is die lewe vir tieners nie so eenvoudig nie en kry hulle te doen met gewoontevormendemiddels soos dwelms wat hulle van hulle toekoms, familie en geloof beroof. Hierdie week gesels Karin Venter en Marietjie Smit met Johan Nothnagel oor dwelms in die nuus, wat dwelms is en watter tipes bestaan. Luister saam na die eerste van ‘n reeks programme. |
|
|
|
Die char van die halwe huis in Tamboerskloof - is terug! Katriena, vertel! bevat ’n keur uit die drie Katriena-bundels mét die bonus van ’n handvol splinternuwe verhale. Met Katriena het Riana Scheepers ’n onvergeetlike karakter geskep wat almal in Suid-Afrika laat lag het – vir onsself! Katriena het ’n ruim hart vol deernis met die wêreld: vir bergies en weduvroue en vroue wat alleen die wêreld moet aandurf, maar veral vir die mêrrem van die halwe huis en haar twee onhebbelike seunskinders. Met haar onblusbare vermoë om stories te vertel, pluk Katriena die lewe se skeefkante reg; of dit nou is om te vertel van die man wat ’n Namakwalandse plaas, onder ‘n skuilnaam, geërf het, of van die genade wat uit ’n leivoor kan kom, of van die vrou wie se geraamte so diep in haar lyf sit ... Riana Scheepers het in 2006 die Rapportryers se Erepenning vir die drie Katriena-bundels ontvang as erkenning vir die bydrae wat dié vrolike verhale tot interkulturele samewerking en begrip onder die Suid-Afrikaanse publiek tot gevolg gehad het. Riana besoek die buiteland gereeld: as reisiger en skrywer, of as akademikus. Sy is passievol betrokke by geletterdheidsprojekte en die begeleiding van opkomende skrywers. Sy is ’n gewilde spreker wat dikwels as motiveerder optree en vervul graag die rol van mentor vir mense, veral vroue, wat ’n hupstoot in die lewe nodig het. Befaamde skrywer, beslis, maar Riana is ook veel meer: plaaswerker, motiveerder, wynboer, restoureerder en aanbidder van die natuur. As wynboer is sy nou betrokke by die bemarking van De Compagnie se wyn en brandewyn, dien op die raad van verskeie instansies wat taalbemagtiging doen en die verantwoordelike gebruik van brandewyn promoveer. Saam met Johann, haar man, is hulle steeds besig om aan verlate volkshuise, ’n hartbeeshuis, klipkrale, stalle, skure en ’n spookhuis te restoureer. Daarom woon sy ook in die Tankwa-Karoo in ’n Karoohuis, en in die suide van Namibië in ’n spookhuis. Katriena, vertel! is by toonaangewende handelaars asook direk by LAPA Uitgewers beskikbaar. Kontak LAPA by 012 401 0700 of besoek ons webblad: www.lapa.co.za. |
Katriena, vertel! 
|
| Teken in op die nuusbrief |