Sien Alle Projekte

 

 

 

 

Jou leefstyl ritme weerspieël jou identiteit, jou fokus en prioriteite…

Ons almal het tog 24 uur in ‘n dag en sewe dae in ‘n week , maar KIES self wat ons wil inpas in daardie geleende minute, ure en dae.  Sommiges wil glo tyd hol met hulle weg, maar dit kan nie.  Jy KIES.  Jy BESLUIT – bewustelik of outomaties – om jou dag, week en jaar in te deel volgens dit wat vir jou belangrik is.  As jou prioriteite herhaal en dit dag na dag en week na week belangrik genoeg is om jou dagboek, kalender,  Outlook en selfoon reminders te haal, word dit uiteindelik ‘n gewoonte en ‘n natuurlike RITME… Jy hoef nie meer so hard te beplan en te oorweeg en te oordink en te begroot nie.  Jy doen dit omdat dit net eenvoudig is wie jy is en waarin jy glo en waarvoor jy staan.

Ek is…

studies, sport, speel en slaap

vakansie, vriende, familie en werk

kerk, koerant lees, kook en kinders

eposse, projekte, google en facebook

TV-kyk, tuinmaak, tee-drink en troeteldiere

Is jou ritme regtig in harmonie met jou hart en roeping?

Ek wil (eintlik)…

graag mense help

‘n verskil maak en betrokke wees in my gemeenskap

in Jesus se voetspore gevorm word vir die roeping waarvoor Hy my geskape het

leef met die besef van geleende tyd en met daardie dringendheid intensioneel uitreik na ander…

Ek wil in 2012 ‘n lewe leef wat saak maak!

Gee jou 2012 ‘n ritme van gee!   En omgee… En stilstaan by dit wat werklik saak maak.

‘n Ritme van Jesus volg – beskikbaar, gewillig, leerbaar, nederig, afhanklik…

Kies dit!

Solidariteit Helpende Hand is `n span pro-aktiewe omgee-mense wat deur praktiese doenprojekte opheffing deur opleiding verseker.  Ons omvattende dienswaardeketting bied `n deurlopende begeleidingsproses wat geestelike- kulturele- en maatskaplike armoede aanspreek en `n kleuter, kind, student en jongmens uiteindelik help om voor te berei vir die wêreld van werk!

Maatskaplikediens: beskerm ons kleuters en Bejaardes

Beroepsleidingdiens:  help kinders om slim beroepskeuse te maak

Afrikaanse Beursdiens: realiseer tieners se drome

Kampus: gee Afrikaanse tersiêre opleiding aan studente en jong mense

WerkNet: bied `n internet-werkportaal waar Afrikaanse werkgewers en werksoekers mekaar kan ontmoet.

Gemeenskapsdiens:  rus vrywilligers toe om met eie inisiatief en kreatiewe oplossings hulle gemeenskappe te dien!