Helpende Hand

Bedelgeld aan dwelms bestee

Vera-Lynne Visagie — Thu, 17 May 2012 08:41:16 +0000

BEELD 16 May 2012 Bladsy 2

“Julle maak ons stadig maar seker dood met elke sent wat julle vir ons bedelaars gee.” Dit is die woorde van Chris Venter (51), ‘n blinde en hawelose man van Centurion. Volgens Venter en Anton Smith, voorsitter van die Helpende Hand-tak in Centurion, kan ‘n sakkie heroïen of kokaïen teen so min as R30 helder oordag selfs op straathoeke gekry word.

Venter, wat nie ‘n dwelmverslaafde is nie, maar wel ‘n alkoholis, se hy het die laaste vyf jaar ongeveer 60 haweloses, insluitende kinders, weens dwelms sien sterf. “Al die geld wat hulle maak deur by robotte en huise te bedel gaan vir dwelms. Hulle gebruik tussen 13 en 15 sakkies heroïen en kokaïen per dag,” se Venter.

Smith voeg by die dwelms is so goedkoop omdat dit met ander poeiers soos mot- en rotgif en babapoeier gemeng word. Volgens Venter sien die “junkies” net die hoeveelheid poeier in die pakkie raak en steur hulle nie aan die suiwerheid van die inhoud nie. Venter beweer die meeste van die “junkies”, soos hy hulle noem, is ook MIV-positief omdat hulle naalde deel en seks aanbied in ruil vir geld.

Smith se Venter is ‘n vaderfiguur vir sommige van die haweloses en hy probeer hulle help. Maar Venter se ondergang is drank. Hy erken die R150 wat hulle bedags insamel, word grootliks daarop gespandeer. Hy en sy vriendin van 13 jaar, Jennie Lotterie (66), sit al byna ses jaar sonder ‘n dak oor hul kop en bedel bedags saam by verkeersligte in Centurion.

Hy het twee jaar gelede die bietjie sig verloor wat hy nog gehad het. Volgens Smith het Helpende Hand die bejaardes dikwels al probeer help en oorreed om na Janstraat 1, ‘n huis vir haweloses op ‘n plaas in Eldoraigne, te gaan. “Ons kan hulle nie dwing om te gaan nie en hulle loop later weg omdat hulle nie daar mag drink nie,” se Smith.

Helpende Hand bied wel steun aan veral die twee haweloses en gee ook vir hulle kos. Venter en Lotterie moet albei aansoek doen om ‘n staatspensioen, maar kan nie omdat hul identiteitsdokumente gesteel is en hulle nog aansoek moet doen vir nuwe dokumente. Smith help hulle nou met die proses.

Janstraat 1, soos almal die huis ken, word deur Walter en Theresa Stander bestuur en bied ‘n heenkome en rehabilitasie aan armoedige verslaafdes en haweloses. Die huis is nie net bedoel vir haweloses nie, maar vir mense van enige ouderdom en ras wat ‘n krisis ervaar of deur verslawing geteister word.

Kolwyntjies-en-tee-oggend op Bela-Bela

Vera-Lynne Visagie — Tue, 15 May 2012 12:41:37 +0000

DIE POS 4 April 2012 Bladsy 16

Solidariteit Helpende Hand het op Dinsdag, 3 April, ‘n gesellige kolwyntjies- en tee-oggend by Sarah’s (die kasteel) op Bela- Bela aangebied vir alle 50-plussers.

Op die foto is mee. Ella Smith (Helpende Hand), Amelia Morgenrood (PSG Pretoria) en mnre. Hannes Smith en Eddie Vermeulen (Helpende Hand). Morgenrood het die 50-plussers raad gegee oor die bestuur van finansies en het ook die aandelemark in diepte bespreek.

Hoërskool Waterkloof skenk koeke aan Klein Treetjies kleuterskool

Vera-Lynne Visagie — Mon, 14 May 2012 13:33:40 +0000

Kleutertjies van Klein Treetjies kleuterskool het maandag 7 Mei lekker saam met leerlinge van Hoërskool Waterkloof en verteenwoordigers van Solidariteit Helpende Hand koekpartytjie gehou.

Die Hoërskool het n kunstefees gehad waar leerlinge onder andere koeke gebak het, en met die koeke gebak en beoordeel, wou die Hoërskool leerlinge eerder kleutertjies bederf as om dit self op te eet. Helpende Hand het hul toe na Klein Treetjies kleuterskool verwys wat deel is van Helpende Hand se Kosblikkieprojek. Die kleutertjies het dit baie geniet en die opwindendheid was aansteeklik met almal wat saam gespeel en geëet het. Die kleuters het almal se harte aangeraak en die dag een gemaak wat niemand gou sal vergeet nie.

In 2011 het Helpende Hand voedingskemas in minstens 15 behoeftige Afrikaanse kleuterskole landswyd begin. Die skole word geïdentifiseer vanuit ons nasionale navorsing en dan aan `n Helpende Hand vrywilligertak gekoppel wat verantwoordelikheid aanvaar vir die bestuur van die fondse en voedselkoepon vir die kleuterskool. Die projek word in samewerking met VOSS (Vereniging vir Voorskoolse Onderrig en Sorg) gedoen.

Om meer te lees van Helpende Hand se Kosblikkieprojek, besoek gerus Kosblikkie op ons webwerf.

Ondersteun die plaaslike tak van Helpende hand

Vera-Lynne Visagie — Mon, 14 May 2012 10:39:58 +0000

STREEK NUUS 11 Mei 2012 Bladsy 5

Die plaaslike tak van Solidariteit Helpende Hand in Delmas/Eloff/ Sundra, wil graag nuwe lede betrek sodat hulle u kan inlig en aanwend soos wat dit u pas. Indien u wil aansluit kan u hulle skakel (die minimum betaalbare lidfooie per aftrekorder is R30 per maand).

Vir enige navrae: Skakel gerus een van die volgende persone:

Isabel du Plooy (083 419 6283) epos: isabel.duplooy@telkomsa.net (Kassiere)

Diane Bath (083 401 6285) epos: dianeb@conteltech.co.za

Sanette Struwig (073 027 9181) epos: sanette.struwig@gmail.com

Lorraine van Tonder (073 955 6956) epos: lvtonder@yahoo.com

Frikkie Wilken (0834859218) epos: frikkiewilken@yahoo.com

Dorette du Toit (084 952 4967) epos: dutoitdorette08@gmail.com

Jan du Plooy (082 892 0418) epos: jan_cpitaskteam@telkomsa.net

Ockie Struwig (083 653 1989) epos: ostruwig@telkomsa.net (Tak-Voorsitter)

Jan-Danie Malan (082 965 7002) epos: jandanie@helpendehand.co.za

Profiel – Solidariteit Helpende Hand streeksorganiseerder: Suid-Kaap

Vera-Lynne Visagie — Fri, 11 May 2012 08:51:03 +0000

COURIER 04 May 2012 Bladsy 11

Solidariteit Helpende Hand se krag lê in sy 120 takke landswyd. Om kop te hou met die organisering van al die takke se projekte en vrywilligers, verg die bekwaamheid van ‘n besonderse persoon…’n streeksorganiseerder. Mariam Mans is die Suid-Kaap organiseerder.

Hoe lank bly jy nou al in hierdie streek? Ons het in 1995 vanal De Aar in die Noord-Kaap na Oudtshoorn verhuis en is nou al 17 jaar lank woonagtig in die warmste dorp in die Suid-Kaap.

Is jy getroud, het jy kinders? Ek is getroud met Chris Mans en ons het twee kinders, ‘n seun en ‘n dogter. Ons het ook al ‘n driejarige kleinseun.

Wat het jy vantevore gedoen? Ek was jarelank verbind aan Standard Bank. Ek het eers in die tak gewerk en later was ek elf jaar lank ‘n bemarkingsassistent by Stanlin. Tussendeur was ek ook by Saambou en my laaste betrekking voor ek by Helpende Hand ingeval het, was by ‘a plaaslike motorhandelaar.

Hoekom het jy by Helpende Hand betrokke geraak? Ons betrokkenheid by Helpende Hand het gespruit uit dankbaarheid na ‘n baie traumatiese gebeurtenis in ons lewens.

Hoekom bly jy hetrokke? ‘n Passie is gebore en nou moet ek die baba groot kry! My ma was baie betrokke by armoedeverligting en ek het grootgeword met die gedagte dat jy mense in nood moet help. Ek hou daarvan om in my ma se voetspore te volg en haar werk voort te sit.

Wat is die beste deel van jou werk? Om te sien hoe jy werklik ‘n verskil in mense se lewens maak.

Watter projek het tot dusver vir jou uitgestaan? Die daarstelling van ‘n studiesentrum waar kinders na skool ekstra wiskunde- en taalklasse ontvang. By Helpende Hand glo ons die stryd teen armoede is ‘n stryd vir goeie opleiding. Opheffing deur opleiding is ons antwoord.

Waarvan hou jy nie in jou werk nie? Dit breek my hart om te sien dat party mense nie uit hul omstandighede wil ontsnap nie. Mens voel magteloos as ouers wat nie vir hulle kinders ‘n toekoms kan bied nie, nie wil toelaat dat die kind ‘n geleentheid in die lewe kry nie.

Met watter ander organisasies werk Helpende Hand saam in die streek? Die ACVV, Badisa, Kinder- en Gesinsorg, die CMR. diensorganisasies soos die Lions en die Vryburgers, die ATKV. VLV en dan natuurlik al die verskillende kerke.

Watter raad kan jy gee vir iemand wat graag in die gemeenskap betrokke wil raak? Volg jou hart, as jy geroepe voel om ‘n verskil in jou eie gemeenskap te wil maak is Helpende Hand die plek waar jou hand iets gaan vind om te doen. RAAK BETROKKE en moenie apaties staan teenoor jou gemeenskap nie want elkeen het ‘n verantwoordelikheid om ‘n verskil in sy eie gemeenskap te maak. Begin by jou eie Jerusalem!

Mariaan Mans: 072 228 0177, mariaan@helpendehand.co.za

110 Doen Goed projekte

juanita — Thu, 10 May 2012 14:08:24 +0000

Solidariteit is vanjaar 110 jaar oud en ons hou op 22 Junie 2012 amptelik partytjie… maar op ŉ heel ander manier.

Om hierdie besonderse mylpaal te vier, nooi Solidariteit Helpende Hand elke burger in die land uit om deel te neem aan die Helpende Hand Doen Goed-veldtog.

In die week van 18 tot 22 Junie gaan ons almal hande vat om 110 Doen Goed projekte aan te pak.

Hierdie is jou kans om daai onselfsugtige ding wat jy nog altyd wou doen, maar nog nooit het nie, te doen.

Om deel te neem (en daar sal pryse ook wees!) moet jy ons Facebook-blad gaan ‘like’. Projekte sal nie goedgekeur word indien jy nie die bladsy gaan ‘like’ het nie.

Gaan loer gerus na voorstelle vir projekte hier.

Vul die registrasievorm hieronder in.

Die registrasieproses is bloot sodat ons kan kophou met al die projekvoorstelle. Ons wil beslis nie hê een ding minder moet gedoen word omdat twee groepe dieselfde ding wou doen nie.

Ons wil weet wie jy is, wat jou werk is is en hoe jy gaan deelneem.

Ons wil ook weet wat jy en jou span wil doen, waar julle beplan om dit te doen en hoekom julle dit wil doen.

Dis ook vir ons belangrik om te weet wanneer tussen 18 en 22 Junie julle beplan om dit te doen en hoeveel mense deur die projek bevoordeel gaan word.

Om dinge so glad as moontlik te laat verloop wil ons graag met een lid van die spannetjie kommunikeer en reëlings tref. Hierdie persoon moet ook daarvoor sorg dat ons al julle voorbereidings vir en uitvoer van die projek op film (video of foto) vaslê.

Die sluitingsdatum vir registrasie is 31 Mei 2012 om 10:00.

Tussendeur kan julle regmaak vir allerhande verrassings van Helpende Hand se kant af want ons het klaar ons hande opgesteek en gesê ons is beskikbaar.

Dis nou julle beurt!

Sit ŉ handjie by en Doen Goed, Voel Goed, Wees Goed.

Doen Goed registrasievorm

juanita — Thu, 10 May 2012 13:30:22 +0000

Doen goed registrasievorm ALGEMEEN

Helpende Hand doen goed by Bloemskou

Mediaverklaring: Beursaansoeke by Solidariteit Helpende Hand se Afrikaanse Beursinstituut oop

Vera-Lynne Visagie — Thu, 10 May 2012 07:47:06 +0000

Mediaverklaring
Solidariteit Helpende Hand
9 Mei 2012

Beursaansoeke by Solidariteit Helpende Hand se Afrikaanse Beursinstituut oop

Aansoeke om beurse en rentevrye beurslenings by die Afrikaanse Beursinstituut het in Mei geopen.

Die Afrikaanse Beursinstituut is in 2003 gestig om finansiële ondersteuning aan Afrikaanse studente te bied. Sedertdien het die beursplatform gegroei tot 65 beurse. Vanjaar is R7 miljoen se beurslenings aan 529 behoeftige studente toegeken. In totaal is daar al ongeveer 2 500 studente gehelp.

Volgens Dr Danie Brink, die uitvoerende hoof van Solidariteit Helpende Hand, is die Afrikaanse Beursinstituut ŉ manier om die organisasie se beleid van bemagtiging en opheffing deur opleiding, verder te voer. “Ons glo hierdie beleid is die beste manier om armoede uit te roei,” sê Dr Brink. “Helpende Hand se omvattende dienswaardeketting bied ŉ deurlopende begeleidingsproses wat geestelike, kulturele en maatskaplike armoede aanspreek en ŉ kleuter, kind, student en jongmens uiteindelik help om voor te berei vir die wêreld van werk,” sê hy.

Vanjaar fokus Helpende Hand veral op die uitbou van die beursplatform sodat nog meer voornemende studente ook die geleentheid kan kry om hulle te bekwaam om ŉ bydrae tot die ekonomie en hul eie familie te kan lewer. Helpende Hand doen dan ook ŉ beroep op persone wat hulle eie beursfonds wil begin om hulle te kontak by 012 644 4390. Die beurshouers bepaal hulle eie kriteria van watter student(e) gehelp moet word en die fonds word net deur die Afrikaanse Beursinstituut geadministreer.

“Die beurskonsep maak werklik ’n groot verskil in so baie kinders se lewens,” sê Dinah Theron, die hoof van die Afrikaanse Beursinstituut. “Individue, wat van ander afhanklik was om ŉ bestaan te voer, kan na afloop van hul studies nou onafhanklik funksioneer. Ongelukkig kon ons as gevolg van beperkte fondse nie almal help wat aansoek gedoen het nie en moes ons duisende kinders wegwys.”

Om deel te word en by te dra tot ŉ beter toekoms, kontak Dinah Theron by 012 644 4428, of by dinah@helpendehand.co.za.

Die aansoeke is oop tussen 1 Mei en 31 Oktober 2012 vir studiehulp in 2013. Besoek gerus die webwerf by www.helpendehand.co.za vir die aansoekvorms of kontak Melani Gerber by 012 644 4428 of melani@helpendehand.co.za.

Mediaskakelbeampte:
Juanita du Preez
Solidariteit Helpende Hand
Tel: 012 644 4390
Sel: 074 500 3915
E-pos: juanita@helpendehand.co.za

‘Voorreg om ma te wees’

Vera-Lynne Visagie — Wed, 09 May 2012 10:15:16 +0000

BEELD 09 May 2012 Bladsy 3

Moedersdag, Vadersdag en Kinderdag word sommer elke dag in die huis van die Strydom-gesin in Irene gevier. “Ek het klaar drie perfekte geskenke gekry vir Moedersdag en ek deel hulle elke dag met my wonderlike man,” vertel Lindie Strydom, die voormalige Egoli-aktrise en deesdae projekorganiseerder van Solidariteit Helpende Hand.

“Dit is ‘n voorreg om ‘n ma te wees. Ek weet van soveel ander vroue wat smag om ‘n kind van hul eie te hê maar ongelukkig nie kan nie. “So wie is ek nou om te se my man en kinders moet my bederf op Moedersdag? Hulle verryk my lewe al klaar elke dag.” Die tweeling, Nina en Hugo (4), hardloop saam met hul ouboet, Paul (7), rond op die lowergroen grasperke op die Irene-melkplaas, terwyl Lindie oor ma-wees en haar betrokkenheid by Solidariteit Helpende Hand se Kosblikkieprojek gesels.

“Ons doen baie werk in minderbevoorregte gemeenskappe. Dit breek my hart as ek ‘n ma teekom wat so graag alles vir haar kinders wil doen, maar dit nie kan bekostig nie.” Volgens Strydom sal meer as 3 000 kleuters en 2 000 ma’s vanjaar deur die Kosblikkieprojek geraak word. “Dis dan ook hoekom ek besluit het om R100 namens my ma en my skoonma te skenk vir die projek. “‘n Belegging in ‘n arm kleuter se lewe het gevoel na die beste manier om my ma te wys hoe dankbaar ek is vir al die tyd, moeite en liefde wat sy in my bele het.

Om te sien wat Lindie oor die Jakarandastad te se het, besoek www.tshwanebeeld.com.

Lindie Strydom by haar drie kinders, Paul (7) en die tweeling Hugo en Nina (4). Foto: BRENDAN CROFT

Besoek gerus Helpende Hand se webwerf idien jy ook soos Lindie R100 namens jou ma en skoonma wil skenk vir die kosblikkieprojek: Ondersteun die kosblikkie projek só hierdie moedersdag.

Woel en Werskaf help Helpende Hand

Vera-Lynne Visagie — Tue, 08 May 2012 14:39:12 +0000

POTCHEFSTROOM HERALD 04 May 2012 Bladsy 26

Kleuters van Woel en Werskaf het onlangs hope klere by die skool ingesamel wat geskenk is aan Helpende Hand. Helpende Hand sal die klere aan behoeftige mense skenk.

Skenkings van lewensmiddele soos kos, klere, meubels en ander huishoudelike items word met groot waardering deur die skenkings- en verspreidingsafdeling ontvang om na kleuterskole, ouetehuise, informele nedersettings en skuilings te versprei. Skenkings word slegs aan projekte gegee waarvoor staatsubsidiëring nie geredelik beskikbaar is nie.

Vir meer inligting raakende skenkings aan Helpende Hand besoek gerus ons skenkingskantoor se webwerf.