Solidariteit Helpende Hand

Nuus

• Helpende Hand Nuusbrief – Februarie 2010 (2)

  Klik hier om af te laai.

• Gebroke Land vrygestel deur Solidariteit Helpende Hand

   

  Swart-en-wit foto’s vertel die hartseer stories van honger en seer ingeweef in drie tydperke van wanhoop in die geskiedenis van die Afrikaner in Suid-Afrika. Gebroke Land is in Oktober verlede jaar deur Solidariteit Helpende Hand vrygestel by die Reddingsdaadkongres by die Voortrekkermonument, waar die nuwe armblankevraagstuk van 1994 en daarna aangepak is. Hierdie lywige koffietafelboek is ‘n versamelstuk met foto’s van die bekende fotojoernalis Paul Alberts en vertel vir die eerste keer die volledige verhaal van wit armoede in die geskiedenis.

  Lees meer

• Meer as 41 000 stem nee vir sekskanale op DSTV

  MutliChoice se navorsingsresultate word binnekort bekend gemaak

  ‘n Totaal van 41 381 Suid-Afrikaners het reeds sedert Solidariteit Helpende Hand die Nee vir Pornografie-veldtog in Februarie begin het, nee gesê vir die instelling van pornografiekanale op DSTV. Helpende Hand beplan om dié protesboodskappe binnekort aan DSTV MultiChoice te oorhandig as bewys dat die Suid-Afrikaanse gemeenskap dié opsie teenstaan. Daarbenewens sal Helpende Hand ook ‘n volledige verslag wat die feite van pornografie in Suid-Afrika stel aan die maatskappy oorhandig.

  MultiChoice het bekend gemaak dat sy navorsing afgehandel is en binne die volgende twee weke aan die publiek bekend gemaak sal word.

  Helpende Hand doen intussen steeds ‘n beroep op Suid-Afrikaners om hulle protesstem te laat hoor deur ‘n boodskap op die webwerf www.neevirpornografie.co.za te stuur of die woord pornografie na 35960 te SMS.

  Die gewilde prediker Angus Bucham tydens ‘n Christen-saamtrek die naweek sy stem gevoeg by talle bekendes en sy hartseer uitgespreek oor MultiChoice se oorweging om pornografie uit te saai. Sedert die afskop van die veldtog het bekendes soos Victor Matfield, Mel Botes en Hettie Britz reeds hulle stemme dik gemaak teen pornografie.

  Die selfmoord van Jeannine du Plessis (21), een van die slagoffers van die omstrede adv. Barbie (oftewel Cézanne Visser), het die verwoestende effek van seksuele mishandeling beklemtoon, meen Helpende Hand. Visser se onlangse skuldigbevinding op 11 klagtes van, onder meer, seksuele aanranding, asook die besit en vervaardiging van kinderpornografie het weereens die kollig laat val op die gevare wat pornografie inhou.

  Helpende Hand is oorval met briewe van gewone Suid-Afrikaners wat in gebrokenheid vertel hoe pornografie hulle lewens verwoes het. Maatskaplike werkers het ook vertel van gevalle van hoe pornografie jong verkragters gekweek het. In een geval het ‘n twaalfjarige seun ‘n vyfjarige dogtertjie verkrag.

  Rina Joubert* vertel hoe pornografie haar huwelik na nege jaar van getroude lewe vernietig het. Joubert hou vol dat eksplisiete sekstonele op televisie haar man geprikkel het om aan harde pornografie verslaaf te raak. “Die tekens was daar . . . rowwer seks is wat hy wou gehad het. Hy wou dit wat hy op TV gesien het, uitprobeer. Toe vroulief nie baie geneë was met dit nie het hy ander vroue genader.”

  Feitegids oor pornografie

  • Studies het bewys dat 77% van molesteerders van seuns en 87% van molesteerders van meisies pornografie gebruik en naboots op hulle slagoffers.
  • Perversiteit word aangewakker deur pornografie en navorsing toon dit is onwaar dat verkragtings en molestering afneem as pornografie vrylik beskikbaar is.
  • Verlede jaar het Helpende Hand in ‘n verslag oor misdaad teen kinders bevind dat daar ‘n noue verband is tussen pornografie en kindermolestering.
  • Alle pornografiekykers is nie noodwendig molesteerders nie, maar volgens kenners kyk alle kindermolesteerders na pornografie.
  • Die kindermishandelingverslag het, onder meer, bevind dat slagoffers van seksuele mishandeling in 90% van gevalle die oortreders ken. Aangesien gesinslede of bekendes grotendeels vir seksuele mishandeling van kinders verantwoordelik is, sal kindermishandeling en molestering dramaties toeneem.
  • Elke dag word 60 gevalle van kinderverkragting en 13 gevalle van kindermishandeling aangemeld.
  • Ongeveer 88% van verkragtings word egter nie aangemeld nie.
  • Definisies van harde en sagte pornografie is op die webblad www.stop.org.za beskikbaar. Harde pornografie sluit verkragting, geweld, mishandeling, seks met gestremdes, bestialiteit en gesimuleerde kinderpornografie in.

  Wie is Solidariteit Helpende Hand?

  Solidariteit Helpende Hand is die vakbond Solidariteit se gemeenskapsinisiatief. Helpende Hand funksioneer binne die Solidariteit-beweging, maar is ’n onafhanklike artikel 21-maatskappy wat sy eie fondse genereer. Helpende Hand bedryf ‘n Afrikaanse Beursinstituut, ‘n Beroepsleidinginstituut en ‘n Instituut vir Gemeenskappe wat Omgee. Die organisasie dryf opheffingsprojekte vir behoeftige gemeenskappe en fokus hoofsaaklik op vyf groot projekte, naamlik die Nasionale Skooltassieprojek, die Nasionale Kosblikkieprojek, beroepsleiding en gemeenskapsbeurse, die Nasionale Handjievat-dag en werkskepping.

  Luister na bekendes wat reeds nee gesê het vir pornografie:

  Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.